1 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Սիրիայի տարածքից արձակված երեք հրթիռներ են ընկել Լիբանանի Լաբուա գյուղում: Ինչպես հաղորդում է «Արմենպրես»-ը` վկայակոչելով Լիբանանի ազգային տեղեկատվական գործակալությունը, հրթիռներն ընկել են բնակելի տների մերձակայքում, որոնց հետևանքով, գյուղապետի խոսքով, բարեբախտաբար, մարդկային զոհեր չեն գրանցվել, միայն վնասվել են մի քանի տներ:
Լուրեր են տարածվել նաև այն մասին, որ լիբանանյան օդային տարածքում կրկին իսրայելական օդանավեր են երևացել: Դրանք նկատվել են Սայդա քաղաքում:
Ավելի վաղ Լիբանանի նախագահ Միշել Սլեյմանը կոչ էր արել Սիրիայի հակամարտող կողմերին Լիբանանը չդարձնել ռազմական գործողությունների թիրախ: