1 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Սիրիական Հոմս մարզում 291 քաղաքացիներ, ովքեր մասնակցել են կառավարական ուժերի դեմ ռազմական գործողություններին, ինքնակամ հանձնվել են իշխանություններին: Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, նրանք վայր են դրել զենքերը և պարտավորվել չիրականացնել գործողություններ, որոնք սպառնում են Սիրիայի անվտանգությանը:
Հոմսի մարզպետ Թալալ ալ Բարրազին բարձր է գնահատել այն ջանքերը, որոնք ներդրվում են տեղական հաշտեցման գործընթացի իրականացման համար: Ապա մարզպետը կոչ է արել համախմբվել և կենտրոնացնել բոլոր ուժերն արտասահմանցի ահաբեկիչների դեմ պայքարելու համար:
Իշխանություններին հանձնված նախկին զինյալ քաղաքացիները վերադարձել են իրենց բնականոն կենսակերպին: