Գերմանացիները պահպանում են առաջատարի դիրքը օլիմպիական թիմային հաշվարկում

ԵՐԵՎԱՆ,19 ՓԵՏՐՎԱՐԻ, ԱՐՄԵՆՊՐԵՍ: Գերմանիայի մարզիկները, նվաճելով 8 ոսկե, ինչպես նաեւ 3 արծաթե եւ 4 բրոնզե մեդալ, պահպանում են առաջին տեղը Սոչիի օլիմպիական խաղերի ոչ պաշտոնական թիմային հաշվարկում,որը որոշվում Է ոսկե մեդալների քանակով:

Ինչպես տեղեկացնում Է «Արմենպրես»-ը, 2-րդ տեղում են Նորվեգիայի մարզիկները՝ 7 ոսկե, 4 արծաթե եւ7 բրոնզե պարգեւ:

6-ական ոսկե եւ արծաթե եւ 8 բրոնզե մեդալներով 3-րդ տեղում են հոլանդացիները:

ԱՄՆ թիմը 6 ոսկե, 4 արծաթե եւ 10 բրոնզե մեդալներով 4-րդ տեղում Է, իսկ Ռուսաստանի մարզիկները, նվաճելով 5 ոսկի, 8 արծաթ եւ 6 բրոնզ, առայժմ զբաղեցնում են 5-րդ տեղը:

Մեդալների ընդհանուր քանակով 1-եւ 2-րդ տեղերում են Հոլանդիայի եւ ԱՄՆ մարզիկները՝ 20-ական մեդալ:

Փետրվարի 19-ին Սոչիում կխաղարկվի մեդալների եւս 8 հավաքածու: