Իր պատվին կազմակերպված ընդունելությանը Էմանուել Մակրոնը ջերմորեն ողջունել է Վիգեն Չիտեչյանին
1 րոպեի ընթերցում
![Իր պատվին կազմակերպված ընդունելությանը Էմանուել Մակրոնը ջերմորեն ողջունել է Վիգեն Չիտեչյանին](http://armenpress.am/resized/480/static/news/b/2017/05/890645.jpg)
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Ֆրանսիայում Հայաստանի արտակարգ և լիազոր դեսպան Վիգեն Չիտեչյանը մասնակցել է Ֆրանսիայի նորընտիր նախագահ Էմանուել Մակրոնի պատվին տրված ընդունելությանը: Ինչպես հաղորդում է «Արմենպրես»-ը, վկայակոչելով Nouvelles d`Armenie-ն, Մակրոնը ջերմորեն ողջունել է Վիգեն Չիտեչյանին: Ընդունելությունը կազմակերպել էր Փարիզի քաղաքապետ Անն Իդալգոն:
Ելիսեյան պալատում մայիսի 14-ին տեղի է ունեցել Ֆրանսիայի Հանրապետության 8-րդ նախագահի երդմնակալության արարողությունը Ֆրանսիայի սահմանադրական խորհրդի նախագահ Լորան Ֆաբիուսը Էմանուել Մակրոնին հռչակել է երկրի նախագահ:
Ապրիլի 24-ին Մակրոնը Փարիզում մասնակցել էր Հայոց ցեղասպանության 102-րդ տարելիցին նվիրված միջոցառմանը և ծաղիկներ խոնարհել Կոմիտասի հուշարձանին: Նա հայտարարել է նաև Հայոց ցեղասպանության ժխպտումը քրեականացնող օրինագծի ընդունման կարևորության մասին: