1 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանը Սիրիայի ընդդիմությանը հրավիրել է Մոսկվա` բանակցությունների: Ինչպես հաղորդում է «Արմենպրես»-ը, վկայակոչելով ռուսական ԻՏԱՌ-ՏԱՍՍ գործակալությունը, Լավրովի նպատակն է նպաստել Սիրիայի ընդդիմության պատվիրակություն կազմմանը, որը կմասնակցի «Ժնև-2» համաժողովին: Նախարարը նաև նշել է, որ Սիրիայի ընդդիմադիր և հեղափոխական ուժերի ազգային կոալիցիան այժմ ուսումնասիրում է Ռուսաստանի հրավերը:
Սիրիայի կառավարական պատվիրակությունը նոյեմբերի 18-ին պաշտոնական այցով մեկնել է Մոսկվա: Սիրիայի պատվիրակության կազմում ընդգրված են Արտաքին գործերի փոխնախարար Ֆեյսալ ալ Միկդադը, նախագահ Բաշար ալ Ասադի խորհրդական Բուսեյն Շաաբանը: Նախատեսված է հանդիպում Ռուսաստանի արտաքին գործերի փոխնախարարներ Գենադի Գատիլովի և Միխայիլ Բոգդանովի հետ: Կողմերը միմյանց հետ կքքնարկեն «Ժնև-2» միջազգային համաժողովի անցկացման վերաբերյալ հարցեր, որի նպատակն է հասնել սիրիական ճգնաժամի լուծմանը: Բացի այդ, կշոշափվեն հարցեր մարդասիրական իրավիճակի, ինչպես նաև սիրիական քիմիական զենքի ոչնչացման վերաբերյալ: