1 րոպեի ընթերցում
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի Սեյդնայա քաղաքում հոկտեմբերի 14-ին տեղադրվել է Հայաստանում ձուլված Հիսուս Քրիստոսի` 39 մետր բարձրությամբ բրոնզե շքեղ արձանը: Հերուվիմների լեռան գագաթին վեր խոյացող արձանը կոչվում է «Ես եկել փրկելու աշխարհը»: Այն մեկ մետրով բարձր է Բրազիլիայում տեղադրված համանման քանդակից:
Հայաստանում ձուլված արձանի մոնտաժման եռօրյա աշխատանքների ժամանակ պատերազմական գործողություններն այդ շրջանում դադարեցվել են: Ինչպես հաղորդում է «Արմենպրես»-ը` վկայակոչելով «Комсомольская правда»-ն, արձանի տեղադրման գաղափարը ծագել է 5 տարի առաջ գործարար Յուրի Գավրիլովի մոտ, ում աջակցել է նաև սիրիացի բիզնեսմեն էլ- Գադման Սամիր Շաքիբը: Արձանի տեղադրումից երկու օր անց մտահաղացման հեղինակ Յուրի Գավիլովը վախճանվել է՝ հասցնելով իր ետևից թողնել նման գեղեցիկ գործ Սիրիային ու աշխարհին: