Կարեն Անդրեասյանը դատապարտել է լրագրող Հակոբ Կարապետյանի դեմ կատարված բռնությունը

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ:Մարդու իրավունքների պաշտպան Կարեն Անդրեասյանն անհանգստություն ու վրդովմունք է արտահայտելilur.amկայքի լրագրող Հակոբ Կարապետյանին ծեծի ենթարկելու առնչությամբ: «Չնայած դեռևս պաշտոնապես չեն բացահայտվել լրագրողի նկատմամբ բռնություն կիրառած անձինք, այդուհանդերձ վստահաբար կարելի է նշել, որ փողոցային արժեքներով և քրեական կանոններով առաջնորդվող անհատներին դժվար է բացատրել խոսքի ազատության բարձրագույն արժեքը, ինչպես նաև լրագրողի առաքելության վեհությունն ու կարևորությունը: Նման մարդկանց ավելի մատչելի են «դատվել», «նստել», այսինքն՝ «պատժվել» հասկացությունները: Հետևաբար նման հանցագործությունները կանխարգելելու միակ եղանակը իրավապահ մարմինների օպերատիվ, խիստ և համաչափ արձագանքն է»,-«Արմենպրես»-ի հաղորդմամբ` նշված է օմբուդսմենիֆեյսբուքյան էջում կատարվածգրառման մեջ:

Մարդու իրավունքների պաշտպանը նշել էր, որ իրենք հետևելու են գործի ընթացքին և օրենքով թույլատրելի եղանակներով և ժամանակ այս միջադեպին ու դրա իրավական հետևանքներին տալու են համարժեք գնահատականը:Կարեն Անդրեասյանն իր զորակցությունն է հայտնել լրագրող Հակոբ Կարապետյանին և iLur.am լրատվական կայքին:

Հակոբ Կարապետյանըծեծի է ենթարկվել ապրիլի 23-ին: