«Ջաբահա ան Նուսրա» խմբավորումն իր վրա է վերցրել Դամասկոսում պայթյունների պատասխանատվությունը
1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: «Ջաբահա ան Նուսրա» խմբավորումը, որ կապված է «Ալ Քաիդա» ահաբեկչական կազմակերպության հետ, իր վրա է վերցրել դեկտեմբերի 13-ին Սիրիայի Ներքին գործերի նախարարության շենքի մոտակայքում իրականացրած պայթյունների պատասխանատվությունը: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, ֆեյսբուքյան իր էջում խմբավորման անդամները նշել են, որ իրենց նպատակակետն ուղղված էր Ներքին գործերի նախարարության դեմ:
Հայտնի է, որ իրականացված պայթյունների հետեւանքով 9 մարդ է զոհվել, որոնց մեծամասնությունն` անվտանգության ուժերի ներկայացուցիչներ:
Ակտիվիստները դեկտեմբերի 14-ին հայտարարել են, որ Հալեպի Սեյֆ ադ Դաուլա շրջանում զոհվել է խմբավորման հայտնի մարդկանցից Աբու Մուհամմադ ալ Հալաբին: