1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի ռմբակոծությունների շարունակման դեպքում Թուրքիան ավելի խիստ կպատասխանի: Ինչպես հաղորդում է«Արմենպրես»-ը` վկայակոչելով արաբական լրատվամիջոցները,այս մասին հոկտեմբերի 10-ին հայտարարել է Թուրքիայի զինված ուժերի գլխավոր շտաբի ղեկավար Նեջդեթ Օզելը: Նա ավելացրել է, որ թեեւ պատասխանել են Սիրիային, սակայն կրկին միջադեպեր արձանագրվելու դեպքում ավելի խիստ ձեւով կպատասխանեն:
Ավելի վաղ ՄԱԿ-ի գլխավոր քարտուղար Պան Կի Մունը հայտարարել էր, որ ԱԵԼ-ի եւ ՄԱԿ-ի նոր բանագնաց Ախդար Իբրահիմին առաջիկա օրերին կմեկնի Սիրիա` նախագահ Ասադին կոչ անելու դադարեցնել 18 ամիս շարունակվող կրակը:
Նա նաեւ ավելացրել է, որ Իբրահիմին սկզբում կայցելի Սաուդյան Արաբիա եւ Թուրքիա, Եգիպտոս, ապա կուղեւորվի Դամասկոս:
Ախդար Իբրահիմիի մամլո խոսնակ Ահմադ Ֆաուզին հայտնել է, որ Իբրահիմիի այցելությունը Դամասկոս այս շաբաթ տեղի չի ունենա: