1 րոպեի ընթերցում
ԵՐԵՎԱՆ, 30 ՕԳՈՍՏՈՍ, ԱՐՄԵՆՊՐԵՍ: Եվրոպայի լավագույն ֆուտբոլիստ ճանաչվեց Անդրես Ինյիեստան:
«Արմենպրես»-ի փոխանցմամբ` Մոնակոյում կայացած մրցանակաբաշխությանը ներկա էին եվրոպական ֆուտբոլի ներկայացուցիչները եւ հարյուրավոր մարզական լրագրողներ, ովքեր եւ ընտրել էին լավագույնին: Եվրոպայի լավագույն ֆուտբոլիստի կոչմանն էին ներկայացվել նաեւ Մադրիդի «Ռեալ»-ի եւ Պորտուգալիայի հավաքականի հարձակվող Կրիշտիանու Ռոնալդուն եւ «Բարսելոնա»-ի արգենտինացի ֆուտբոլիստ Լեո Մեսսին:
Անդրես Ինյիեստան Եվրոպայի եւ աշխարհի գործող չեմպիոն է: Վերջինս «Բարսելոնա»-ի հետ հասցրել է նվաճել աշխարհի ակումբային առաջնության գավաթը, Եվրոպայի եւ Իսպանիայի Սուպերգավաթը: Եվրո 2012-ում եւ ցուցադրած լավագույն խաղի համար Ինյիեստան արժանացել էր Եվրոպայի առաջնության լավագույն ֆուտբոլիստի կոչմանը: