1 րոպեի ընթերցում
ԵՐԵՎԱՆ,23 ՕԳՈՍՏՈՍ, ԱՐՄԵՆՊՐԵՍ: Կայացան «Չեմպիոնների լիգա»-ի չորրորդ որակավորման փուլի առաջին հանդիպումները:«Արմենպրես»-ի փոխանցմամբ, Հայաստանի ֆուտբոլի ազգային հավաքականի անդամ Զավեն Բադոյանի թիմը` բելառուսական «Բատէ»-ն, երկու անպատասխան գնդակ ուղարկեց իսրայելական «Իրոին Կիրյատ Շմոնա»-ի դարպասը: Բադոյանն ընդգրկված չի եղել անգամ պահեստայինների հայտացուցակում: Իսպանական «Մալագա»-ն նույնպես 2-0 հաշվով առավելության հասավ «Պանատինայկոս»-ի նկատմամբ (Հունաստան):
Կիպրոսը ներկայացնող «ԱԷԼ» սեփական հարկի տակ 2-1 հաշվով առավելության հասավ Բելգիայի չեմպիոն «Անդերլեխտ»-ի նկատմամբ: Նույն հաշիվը գրանցվեց նաեւ «Դինամո Զագրեբ»-«Մարիբոր» հանդիպաման ժամանակ, որտեղ խորվաթական «Դինամո»-ն առավելության հասավ:
Տուրի միակ ոչ-ոքին գրանցվեց «Բրագա» (Պորտուգալիա)-«Ուդինեզե» (Իտալիա) խաղում`1-1:
«Չեմպիոնների լիգա»-ի պատասխան հանդիպումները կկայանան մեկ շաբաթ անց` օգոստոսի 28-ին: