Թուրքիայում կրկին քրդեր են զոհվել

ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Թուրքիայի Հաքքարի նահանգում շարունակվում են բախումները քուրդ զինյալների հետ: Ինչպես հաղորդում է «Արմենպրես»-ը` վկայակոչելով թուրքական «Հուրիեթ» պարբերականը, Թուրքիայում ահաբեկչական համարվող Քրդական բանվորական կուսակցության և թուրք զինվորների միջև Շեմդինլի գավառում շարունակվում են փոխադարձ կրակոցները:

Հուլիսի 31–ի առավոտյան սկսված գործողություններին մասնակցել են նաև ռազմական ուղղաթիռներ: Թուրքական ռազմական ուժերի գործողությունների արդյունքում զոհվել են 22 քուրդ զինյալներ: Ներկայում էլ տարածաշրջանում գործողությունները շարունակվում են: Հնարավոր են նոր զոհեր եւ վիրավորներ: