368.54
Վլադիմիր Պուտինը Պրոխորովին գնահատել է իբրեւ լուրջ մարդու եւ լավ ձեռներեցի
1 րոպեի ընթերցում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: ՌԴ նախագահական ընտրություններում ձայների մեծամասնությունը հավաքած Վլադիմիր Պուտինը չի բացառել նոր կառավարությունում Միխայիլ Պրոխորովի հայտնվելը: Ինչպես հաղորդում է «Արմենպրես»-ը, վկայակոչելով ԻՏԱՌ-ՏԱՍՍ-ը, Պուտինը Պրոխորովին գնահատել է իբրեւ լուրջ մարդու, լավ ձեռներեցի, ով կարող էր աշխատել նաեւ Կառավարությունում, եթե ցանկանար: Պուտինը, սակայն, նշել է, որ նախ անհրաժեշտ է Մեդվեդեւի հետ զրուցել հարցի շուրջ: Նորընտիր նախագահը նաեւ հաղորդել է, որ առաջիկա երեք օրերին Մեդվեդեւի հետ կքննարկի Կառավարությունում կատարվելիք տեղափոխությունները: Մանրամասներ Պուտինը չի բացահայտել, միայն նշել է, որ նախ պետք է միասին որոշեն Մեդվեդեւի հետ, կան որոշակի մտքեր, որոնք մինչեւ դրանք թղթին հանձնելը, չարժե դրանց մասին խոսել: Սերգեյ Իվանովը կմնա Նախագահի աշխատակազմի ղեկավարի պաշտոնում, իսկ հանրապետության ղեկավարի խորհրդականի պաշտոնը թափուր կմնա:
Կարդացեք հոդվածը` Русский
Բաժանորդագրվեք մեր ալիքին Telegram-ում