Վլադիմիր Պուտինին սատարող ակցիայի կազմակերպիչները կտուգանվեն

ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի Դաշնության ներքին գործերի նախարարության հաղորդած տվյալների համաձայն` ավելի քան 140 հազար մարդ է մասնակցել Մոսկվայում տեղի ունեցող հինգ ցույցերին: Ինչպես հաղորդում է «Արմենպրես»-ը` վկայակոչելով rusnovosti.ru-ն, շուրջ 130 հազարը մասնակցել են Վլադիմիր Պուտինին սատարող ակցիային: Պատահարներ չեն արձանագրվել, սակայն կազմակերպիչները ստիպված կլինեն տուգանք վճարել` հանրահավաքի մասնակիցների թիվը գերազանցելու համար: Առանց միջադեպերի են անցել նաեւ մյուս հանրահավաքները:

Կարգուկանոնը ապահովել են Ներքին գործերի ընդհանուր թվով 10 հազար աշխատակիցներ: