1 րոպեի ընթերցում
ԿԱՊԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: «2011-2012թթ. Արտակարգ իրավիճակների նախարարության գերակա խնդիրը մնում է երկրում կամավոր հրշեջների բանակի ստեղծումը», - Կապանում երեկ անցկացված «Անտառային հրդեհների հակազդում» թեմայով հրամանատարաշտաբային ուսումնավարժության ժամանակ ասաց ՀՀ ԱԻՆ փրկարար ծառայության տնօրեն գեներալ-մայոր Սերգեյ Ազարյանը: Ըստ նրա' այլ երկրներում կիրառվող այս փորձը ցույց է տվել, որ այդպես ավելի արդյունավետ կարելի է պայքարել առավել խոշոր չափերի հասնող հրդեհների դեմ:
Կամավոր հրշեջները կապահովվեն համապատասխան տեխնիկայով եւ հանդերձանքով, սակայն կվարձատրվեն միայն հրդեհաշիջման աշխատանքներին մասնակցելու դեպքում: