368.59
Ռեջեփ Թայիփ Էրդողանն Էրզրումում հանդիպել է Հունաստանի իր գործընկերոջ հետ
1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Թուրքիայի վարչապետ Ռեջեփ Թայիփ Էրդողանն Էրզրումում հանդիպել է Հունաստանի իր գործընկեր Յուրգոս Պապանդրեուի հետ: Ինչպես հաղորդում է «Արմենպրես»-ը` վկայակոչելով «Անադոլու» գործակալությունը, Հունաստանի վարչապետը հայտարարել է, որ երկու երկրներն ստացել են պատմական հնարավորություն` լուծելու միմյանց միջեւ առկա բոլոր խնդիրները:
Անվանելով Էրդողանին «թանկագին ընկեր»` Պապանդրեուն նշել է, որ իրենք միասին ունակ են դրականորեն փոփոխելու թուրք-հունական հարաբերությունները: Իր հերթին Էրդողանն ընդգծել է, որ Թուրքիան եւ Հունաստանը երկկողմ հարաբերություններում արձանագրել են մեծ առաջընթաց, ստորագրել 25 համաձայնագիր: Թուրքիայի վարչապետն անհրաժեշտ է համարել անհապաղ լուծել Էգեյան ծովի շուրջ առկա երկկողմ խնդիրները, որոնք մեծ ազդեցություն են ունենում թուրք-հունական հարաբերությունների վրա:
Բաժանորդագրվեք մեր ալիքին Telegram-ում