Շնորհակալագրեր հանձնվեցին «Ոսկե ծիրանե միջազգային կինոփառատոնի հովանավորներին եւ անհատ աջակիցներին

ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: «Ոսկե ծիրանե ամենամյա միջազգային կինոփառատոնի նախագահ Հարություն Խաչատրյանն այսօր շնորհակալագրեր հանձնեց փառատոնի շուրջ 80 հովանավորներին ու անհատ աջակիցներին` այդ թվում ԱԳ նախարարությանը` ի դեմս նախարար Վարդան Օսկանյանի, ՀՀ մշակույթի եւ երիտասարդության հարցերի նախարար Հ.Պողոսյանին, «ՎիվաՍելե ընկերությանը, ԱԺ գիտության, կրթության, մշակույթի եւ երիտասարդության հարցերի մշտական հանձնաժողովի նախագահ Հրանուշ Հակոբյանին, üրանսիայի դեսպանատանը: Ինչպես ՀՀ արտաքին գործերի նախարարությունում կազմակերպված շնորհակալագրերի հանձնման արարողությանը նշեց ԱԳ նախարար Վարդան Օսկանյանը, փառատոնն անցկացվել է մեծ հանդիսավորությամբ նրա աջակիցների եւ բարերարների միջոցով, եւ այսօրվա ջերմ խոսքերն ու երախտիքը ուղղված են նրանց, ովքեր նպաստել են կինոփառատոնի կայացմանն ու կազմակերպչական աշխատանքներին: Այս տարի հուլիսի 10-15-ն անցկացրած «Ոսկե ծիրանե երրորդ միջազգային կիոնփառատոնին ներկայացվել է 120 ýիլմ 43 երկրներից: Պատվավոր հյուրերի թվում էին աշխարհահռչակ ռեժիսորներ Մարկո Բելոկիոն, Տոնինո Գուերան, Գոդýրի Ռեջիոն եւ ուրիշներ: Փառատոնը լուսանբանվել է շուրջ 60 լրտվամիջոցների, այդ թվում` արտասահմանյան 3 հեռուստաընկերությունների, 13 ամսգրերի կողմից: Այն ունեցել է մոտ 50 հազար հանդիսատես, իսկ ýիլմերի հայկական ընտրանին այս տարի մասնակցել է ավելի քան 10 միջազգային կինոփառատոների: Հաջորդ տարի փառատոնը կանցկացվի հուլիսի 9-14-ը: