Շանսոնի մեծ վարպետ եւ մեծ հայորդի Շառլ Ազնավուրն այսօր հյուրընկալվեց Հայաստանի ýրանսիական համալսարանում
1 րոպեի ընթերցում
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ (թղթ. Անահիտ Աբրահամյան): Աշխարհահռչակ երգիչ, շանսոնի մեծ վարպետ եւ մեծ հայորդի Շառլ Ազնավուրն այսօր հյուրընկալվեց Հայաստանի ýրանսիական համալսարանում՝ ՀՀ-ում üրանսիայի արտակարգ եւ լիազոր դեսպան Անրի Կյունիի, համալսարանի ռեկտոր Պոլ Ռուսեի եւ պաշտոնատար այլ անձանց ուղեկցությամբ: Ռեկտորի առանձնասենյակում դեսպանը եւ ռեկտորը հռչակավոր երգչին ծանոթացրին համալսարանի գործունեությանը՝ ընդունելության կարգին, ուսումանական գործընթացին եւ պրակտիկային, դասախոսական կազմին: Ապա նա շրջեց համալսարանում, լուսանկարվեց իրեն ողջունելու եկած հարյուրավոր հայ ուսանողների եւ լրագրողների հետ: Ավելացնենք, որ Շառլ Ազնավուրը Հայաստան է ժամանել երեկ երեկոյան: Այսօր նա ներկա կգտնվի նաեւ Արագածոտնի մարզում խմելու ջրատարի բացմանը, իր հեղինակած «Անցած օրերե գրքի հայերեն հրատարակության շնորհանդեսին: Նախատեսվում է նաեւ, որ Շ.Ազնավուրը մայիսի 28-ին կմասնակցի «Միասնության շուրջպարինե, իսկ հաջորդ օրը կայցելի նաեւ Ջավախք: Ի դեպ, մեծ հայորդին Վրաստան կայցելի այդ երկրի նախագահ Միխեիլ Սահակաշվիլիի հրավերով: