1 րոպեի ընթերցում
ԱՆԹԻԼԻԱՍ, 11 ԱՊՐԻԼԻ. ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը երեկ վեհարանում ընդունել է Լիբանանի վարչապետ Ռաýիկ Հարիրիի քրոջը` պատգամավոր Բահիա Հարիրիին։ Ինչպես տեղեկացնում են կաթողիկոսության մամլո դիվանից, հանդիպման ընթացքում զրույցն ընթացել է տարածաշրջանային ու միջազգային իրադրության, հատկապես իրաքյան պատերազմի և այդ երկրում հետպատերազմյան կացության հարցերի շուրջ: Քննարկվել է նաև Միջին Արևելքի ընդհանուր իրավիճակի, առանձնապես Լիբանանի վրա իրաքյան իրադարձությունների ազդեցության հավանակության հարցը։ Վեհափառ հայրապետը կարևորել է դիմափոխված քաղաքական կացության ներկա պայմաններում քրիստոնյա-իսլամ երկխոսության զարգացումը` ի նպաստ ազգերի և կրոնների միջեւ փոխադարձ հանդուժողության ու խաղաղության հաստատման։