1 րոպեի ընթերցում
ՍՏՐԱՍԲՈՒՐԳ, 24 ՀՈՒՆԻՍԻ. ԱՐՄԵՆՊՐԵՍ: Հունիսի 26-ին Եվրախորհրդի խորհրդարանական վեհաժողովը, ադրբեջանական պատվիրակության հորդորին հակառակ, քննարկելու է Ադրբեջանում քաղբանտարկյալների հարցը: Ադրբեջանի պատվիրակությունը խնդրում էր հետաձգել այդ քննարկումը և անցկացնել հոկտեմբերի 15-ին կայանալիք նախագահական ընտրություններից հետո: Պատվիրակության ղեկավար Իլհամ Ալիևիը այսօր ադրբեջանական «ԱՆՍե հեռուստակայանին ասել է, թե Եվրախորհուրդը կրկնակի ստանդարտներ է կիրառում: Հայաստանի դեպքում մահապատժի վերացման հարցի քննարկումը հետաձգվեց և չկայացավ խորհրդարանական և նախագահական ընտրություններից առաջ, իսկ Ադրբեջանի դեպքում քաղբանտարկյալների նուրբ հարցը կրկին օրակարգում է մնում, գանգատվել է Իլհամ Ալիևը: