Երկրորդ շարքում կայանելու տուգանքն առաջարկվում է 5000-ից դարձնել 20 հազար դրամ

2 րոպեի ընթերցում

Ազգային ժողովում քննարկվում է ճանապարհային երթևեկության մի շարք խախտումների համար տուգանքներն ու տուգանային միավորները բարձրացնելու նախագիծը։

Մասնավորապես, երկրորդ կամ ավելի շարքում մեքենան տեղակայելու համար գործող 5000 դրամ տուգանքն առաջարկվում է դարձնել 20 հազար դրամ։

«Արմենպրես»-ի փոխանցմամբ՝ օրենսդրական փաթեթը նոյեմբերի 17-ի նիստում ներկայացրել է ներքին գործերի նախարարի տեղակալ Արմեն Մկրտչյանը։

«Մեր ուսումնասիրությունները և մշտադիտարկումները վկայում են, որ ճանապարհային երթևեկության որոշ խախտումներ էականորեն են ազդում հատկապես Երևանում առաջացող խցանումների վրա, իսկ դրանց տուգանքները կամ բալային կշիռները, ըստ էության, անհամաչափ են այդ արարքների նկատմամբ»,- ասել է նա։

Երկրորդ կամ ավելի շարքում մեքենան տեղակայելու դեպքում առաջարկվում է կիրառել նաև մեկ տուգանային միավոր՝ գործող 0,25-ի փոխարեն։

«Մուտքն արգելվում է» և բեռնատար ավտոմոբիլների երթևեկությունն արգելող նշանների պահանջները խախտելու համար ևս առաջարկվում է 20 հազար դրամ տուգանք՝ երկու տուգանային միավորով։

««Կանգառն արգելվում է» ճանապարհային նշանի խախտման դեպքում նույնպես առաջարկվում է սահմանել 20 հազար տուգանք և մեկ տուգանային միավոր»,- նշել է փոխնախարարը։

Եթե կանգառի կամ կայանման կանոնների խախտման հետևանքով մեքենան տարհանվում է, առաջարկվում է գործող 20 հազար դրամ տուգանքը բարձրացնել 29 հազարի և կիրառել մեկ տուգանային միավոր։

Մկրտչյանի խոսքով՝ նախատեսված արտոնությունների կիրառման դեպքում 20 հազար դրամ տուգանքը կարող է կազմել 11 հազար 200 դրամ։

Նախագծի հիմնավորման համաձայն՝ 2026 թվականի առաջին ինն ամիսներին կանգառի և կայանման կանոնների խախտումների հայտնաբերված դեպքերը նախորդ տարվա նույն ժամանակահատվածի համեմատ աճել են 15,6 տոկոսով՝ հասնելով 272 հազար 56-ի։

Հայերեն

ԵՄ պատժամիջոցների հարցերով հատուկ դեսպանորդ  Օ’Սալիվանը հայտարարել է պաշտոնից հեռանալու մասին

Ազգային ժողովի նիստ. հայտարարությունների ժամ

Արարատ Միրզոյանը Բրյուսելում հանդիպել է Մարթա Կոսի հետ

Գերմանիան և Նորվեգիան Ուկրաինայի համար մոտ 300 միլիոն եվրոյի սպառազինություն կգնեն PURL-ի շրջանակներում

ՆԳՆ-ն առաջարկում է վարորդի կողմից թմրամիջոց օգտագործելու փաստը ստուգել տեղում՝ թքի միջոցով

Իրանը հերքել է Վաշինգտոնում «կեղտոտ ռումբի» կիրառմամբ հարձակման մասին տեղեկությունները

Երկրորդ շարքում կայանելու տուգանքն առաջարկվում է 5000-ից դարձնել 20 հազար դրամ

Հաջորդ տարի նախատեսում ենք սկսել Երևանի խցանումների խնդրի լուծմանն ուղղված քայլերը. Ավինյան

Կրեմլը համաձայն է Ֆինլանդիայի նախագահի հետ՝ Ռուսաստանի հետ երկխոսության անհրաժեշտության հարցում

Ռուբեն Ռուբինյանը դատապարտում է քաղաքական գործիչների և լրագրողների ընտանիքի անդամների թիրախավորման դեպքերը