Արքայազն Ուիլյամն ու արքայադուստր Քեյթը եռօրյա այցով Հնդկաստանում են

2 րոպեի ընթերցում

Մեծ Բրիտանիայի արքայազն Ուիլյամն ու նրա կինը՝ արքայադուստր Քեյթը, եռօրյա այցով ժամանել են Հնդկաստանի Մումբայ քաղաք։ Այցի շրջանակում նրանք կմասնակցեն բնապահպանական միջազգային Earthshot Prize 2026 մրցանակաբաշխությանը։ Ինչպես հաղորդում է «Արմենպրես-ը, այս մասին հայտնում է Reuters-ը՝ նշելով, որ սա Ուելսի արքայադստեր ամենահագեցած արտասահմանյան այցն է 2024 թվականից ի վեր, երբ Քեյթի մոտ ախտորոշվել էր քաղցկեղ։

Earthshot Prize մրցանակաբաշխությունը լինելու է այցի գլխավոր նպատակը։ Մրցանակը 2020 թվականին հիմնադրել է արքայազն Ուիլյամը՝ բնապահպանական խնդիրների լուծմանն ուղղված նախագծերին աջակցելու նպատակով։ Հինգ հաղթողներից յուրաքանչյուրը կստանա 1 միլիոն ֆունտ ստեռլինգ (մոտ 1.3 միլիոն դոլար)՝ իր նախաձեռնությունը կյանքի կոչելու համար։

Մումբայում արքայազնն ու արքայադուստրը կմասնակցեն նաև հնդկական կինոյի և կրիկետի աստղերի մասնակցությամբ միջոցառումների։ Այցի վերջին օրը նրանք կմեկնեն Նյու Դելի, որտեղ հանդիպում կունենան Հնդկաստանի վարչապետ Նարենդրա Մոդիի հետ։

Ուիլյամի և Քեյթի նախորդ համատեղ այցը Հնդկաստան տեղի է ունեցել 10 տարի առաջ՝ 2016 թվականին։

44-ամյա Քեյթը քաղցկեղի պատճառով քիմիաթերապիայի կուրս է անցել, որից հետո զգալիորեն կրճատել է իր պաշտոնական պարտականությունների շրջանակը։

Այժմ, գտնվելով ռեմիսիայի փուլում, նա աստիճանաբար ավելացնում է հանրային միջոցառումներին իր մասնակցությունը։ Նա մինչ այժմ չէր միացել Ուիլյամին նրա նախորդ արտասահմանյան այցերի ընթացքում։

Հայերեն

Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված վնասը

Ջենսեն Հուանգը մտադիր է վերադառնալ Nvidia-ի գլխավոր տնօրենի պաշտոնին. FT

Արքայազն Ուիլյամն ու արքայադուստր Քեյթը եռօրյա այցով Հնդկաստանում են

Մոսկվայում բացվել է ֆոտոցուցահանդես՝ նվիրված Առնո Բաբաջանյանի 105 և Միքայել Թարիվերդիևի 95-ամյակներին

ՌԴ-ն և Վրաստանը վերսկսում են ուղղակի երկխոսությունը հատուկ ներկայացուցիչների մակարդակով

Երևանում բացվում է Հայ-հունգարական գործարար խորհուրդ

ԱՍԵԱՆ-ի գագաթնաժողովի դեմ բողոքի ակցիաների ժամանակ 300 մարդ է ձերբակալվել

ՀՀ հակակոռուպցիոն կոմիտեի նախագահը հանդիպել է Չինաստանի արտակարգ և լիազոր դեսպան Լի Սինվեյի հետ

Վրաստանը հրաժարվել է մասնակցել ԵՄ ընդլայնման հարցերով գագաթնաժողովին

Ավստրալիան, Կանադան, Իտալիան և Բրիտանիան կոչ են արել Իսրայելին թույլ տալ մարդասիրական օգնության մուտքը Գազա