Մոսկվայում բացվել է ֆոտոցուցահանդես՝ նվիրված Առնո Բաբաջանյանի 105 և Միքայել Թարիվերդիևի 95-ամյակներին
1 րոպեի ընթերցում

Մոսկվայի Արբատ փողոցում բացվել է ֆոտոցուցահանդես՝ նվիրված մեծանուն կոմպոզիտորներ՝ Աշխատանքային կարմիր դրոշի շքանշանակիր, ՀԽՍՀ պետական մրցանակի դափնեկիր, ՀԽՍՀ, ԽՍՀՄ ժողովրդական արտիստ Առնո Բաբաջանյանի 105 և ԽՍՀՄ պետական մրցանակի դափնեկիր, Ամերիկյան երաժշտական ակադեմիայի մրցանակի դափնեկիր, ՌԽՍՀ ժողովրդական արտիստ Միքայել Թարիվերդիևի 95-ամյակներին։

«Արմենպրես»-ի հաղորդմամբ՝ այս մասին հայտնում է Հայաստանի կոմպոզիտորների միությունը։
«Ի թիվս բազմաթիվ հյուրերի, արարողությանը մասնակցել են նաև ժողովրդական արտիստ, դաշնակահար Յուրի Ռոզումը և ռուս երաժշտագետ, գրող, Թարիվերդիևի այրի՝ Վերա Թարիվերդիևան։ Ցուցահանդեսը միավորում է ԽՍՀՄ ժամանակաշրջանի 2 մեծանուն կոմպոզիտորների ստեղծագործական ժառանգությունը։ Այցելուները կարող են տեսնել հազվագյուտ արխիվային լուսանկարներ՝ ընտանեկան հավաքներից, ծանոթանալ երաժիշտների ստեղծագործական ուղու հետ»,-ասվում է հաղորդագրության մեջ։
