1 րոպեի ընթերցում
Կատարի վարչապետ, արտաքին գործերի նախարար Մուհամմադ բին Աբդ ալ-Ռահման ալ-Թանին Վաշինգտոնում հանդիպել է ԱՄՆ նախագահ Դոնալդ Թրամփի և ԱՄՆ փոխնախագահ Ջեյ Դի Վենսի հետ՝ քննարկումները որակելով «դրական»։ «Արմենպրես»-ի փոխանցմամբ՝ այս մասին Կատարի վարչապետը նշել է X հարթակում գրառման մեջ։
«Ես ուրախ էի հանդիպել Նորին Գերազանցություն նախագահ Դոնալդ Թրամփի և Նորին Գերազանցություն փոխնախագահ Ջեյ Դի Վենսի հետ Վաշինգտոնում, որտեղ մենք քննարկեցինք տարածաշրջանում ստեղծված իրավիճակը և ԱՄՆ-Իրան բանակցություններում առաջընթաց գրանցելու ուղիները: Ես բարձր եմ գնահատում տարածաշրջանում համաձայնության հասնելու և խաղաղություն հաստատելու վերաբերյալ դրական քննարկումները», - նշել է նա:
ԱՄՆ նախագահն իր հերթին Truth Social հարթակում գրառման մեջ բարձր է գնահատել Կատարի վարչապետի հետ հանդիպումը։
«Ես հիանալի զրույց ունեցա Կատարի վարչապետ շեյխ Մուհամմադ բին Աբդ ալ-Ռահման բին Ջասիմ ալ-Թանիի հետ, որի ընթացքում քննարկվեցին Իրանի Իսլամական Հանրապետությանն առնչվող բազմաթիվ հարցեր»,- նշել է նա։