1 րոպեի ընթերցում
Հայաստանի տնտեսական զարգացման միտումները շարունակում են մնալ դրական:
«Արմենպրես»-ի փոխանցմամբ՝ այս մասին Ազգային ժողովի մշտական հանձնաժողովների համատեղ նիստում հայտնեց Էկոնոմիկայի նախարար Գևորգ Պապոյանը:
«2025 թվականին ունեցել ենք 7.1 տոկոս տնտեսական աճ, իսկ 21-25 թվականներին ՀՆԱ-ի միջին տարեկան աճը կազմել է շուրջ 7.9 տոկոս: Այդ ժամանակահատվածի համար 7 տոկոս էր թիրախային ցուցանիշը: Տնտեսական աճը շարունակել է նաև բարձր մնալ 2026 թվականին և առաջին կիսամյակում գրանցել ենք ՀՆԱ-ի 6 տոկոսանոց աճ: Եվրոպական տարածաշրջանում Հայաստանն ամենայն հավանականությամբ երկրորդը կլինի այս ցուցանիշով»,- ասաց Պապոյանը:
Էկոնոմիկայի նախարարը նշեց՝ 2025 թվականին 2017 թվականի համեմատ ՀՆԱ-ն աճել է շուրջ 54 տոկոսով, իսկ մեկ շնչի հաշվով ՀՆԱ-ն 2.4 անգամ է աճել՝ հասնելով շուրջ 9500 դոլարի:
«Այս տարի կանցնենք 10 հազար դոլարի շեմը»,- նշեց նախարարը։