Երևանում ավտոբուսի կողաշրջման հետևանքով տուժածներից մեկի վիճակը ծանր է

Երևանում Աճառյան փողոցում տեղի ունեցած ավտոբուսի վթարի հետևանքով բժշկական կենտրոններ դիմած 11 տուժածներից մեկի առողջական վիճակն այս պահի դրությամբ գնահատվում է ծանր, երկուսինը՝ միջին ծանրության:

«Արմենպրես»-ի փոխանցմամբ՝ այս մասին հայտնում են ՀՀ առողջապահության նախարարությունից, նշելով, որ մյուս 8 տուժածները հետազոտվել են, ստացել անհրաժեշտ առաջին բուժօգնությունը և դուրս գրվել։

Ավելի վաղ ՀՀ ՆԳ նախարությունից հայտնել էին, որ հոկտեմբերի 23-ին ժամը 09։00-ի սահմաններում Երևանի Աճառյան փողոցում «Հյունդայի» մակնիշի ավտոբուս է կողաշրջվել։

Նախնական տվյալներով՝ տուժել է 11 անձ, որոնք տեղափոխվել են բժշկական կենտրոններ։

Պատահարի հանգամանքները պարզվում են։