362.32
Մոդին նշել է կառավարության ղեկավարի պաշտոնում իր գործունեության 25-ամյակը
2 րոպեի ընթերցում
Հնդկաստանի վարչապետ Նարենդրա Մոդին նշել է կառավարության ղեկավարի պաշտոնում իր գործունեության 25-ամյակը՝ նախ Գուջարաթի նահանգում, իսկ 2014 թվականից՝ ամբողջ երկրում։ «Արմենպրես»-ի փոխանցմամբ՝ այս մասին հաղորդում է ՏԱՍՍ գործակալությունը:
«2001 թվականի հոկտեմբերի 7-ին, երբ ես երդում տվեցի որպես Գուջարաթի գլխավոր նախարար, պատկերացնել չէի կարող, որ երբևիցե կգա այս սահմանագիծը։ Այսօր ես նշում եմ կառավարության ղեկավարի պաշտոնում անընդմեջ աշխատանքի 25-ամյակը։ Դա հնարավոր է դարձել ժողովրդի հավատարիմ աջակցության և օրհնության շնորհիվ», - ասել է նա հանդիսավոր հանդիպման ժամանակ, որը հիշարժան օրվա առթիվ կազմակերպել էր կառավարող կուսակցությունը։
Մոդիի խոսքով՝այս օրը նախանշված է ոչ միայն հուշերի համար, այլև ապագայում գործելու հաստատակամ վճռականության հաստատման համար։
«Այս օրն առիթ է՝ կրկին հայտարարելու մեր պարտավորությունների մասին։ Օր, երբ մենք վճռականություն ենք հայտում հետևյալ բառերով. «Մենք անպայման կհասնենք դրան,մենք դա կանենք»», - խոստացել է նա՝ խոսելով Հնդկաստանի հետագա զարգացման մասին դեպի 2047 թվականը տանող ճանապարհին, երբ հանրապետությունը կնշի իր անկախության 100-ամյակը։
Հիմնական նպատակների թվում վարչապետը նշել է Հնդկաստանի ինքնաբավությունը և նրա վերածումը գլոբալ արտադրական կենտրոնի, ինչպես նաև Օլիմպիական խաղերի անցկացումը և հնդկական օդաչուավոր առաքելության ուղարկումը տիեզերք:
Բաժանորդագրվեք մեր ալիքին Telegram-ում