1 րոպեի ընթերցում
Երևանի քաղաքապետարանի աշխատակազմի երեխաների և սոցիալական պաշտպանության վարչության կողմից իրականացվող «STEAM» ծրագիրն արդեն գործնական փուլում է։
«Արմենպրես»-ի փոխանցմամբ՝ քաղաքապետարանից հայտնում են, որ ծրագրում ընդգրկված շուրջ 1000 երեխա ռոբոտաշինության, ծրագրավորման, արհեստական բանականության, 3D մոդելավորման, էլեկտրոնիկայի և թվային երաժշտության դասընթացների ընթացքում ձեռք է բերում տեսական գիտելիքներ, ինչպես նաև իրականություն դարձնում նախագծած ծրագրերը։
Ծրագրի նպատակն է ստեղծել բազմաֆունկցիոնալ ու ներառական միջավայր՝ զարգացնելով երեխաների տեխնիկական, տրամաբանական և ստեղծագործական մտածողությունը՝ հիմք ստեղծելով հետագա մասնագիտական կողմնորոշման համար։