1 րոպեի ընթերցում
Հոդվածը հրապարակվում է «Արմենպրես»-ի և Moldpres-ի միջև ստորագրված համաձայնագրի շրջանակում։
Մոլդովայի վարչապետ Վասիլե Տոֆանը սեպտեմբերի 23-26-ն աշխատանքային այցով կմեկնի Նյու Յորք՝ մասնակցելու ՄԱԿ-ի Գլխավոր ասամբլեայի 81-րդ նստաշրջանին։ «Արմենպրես»-ի փոխանցմամբ՝ այս մասին հաղորդում է Moldpres գործակալությունը։
Այցի օրակարգը ներառում է երկկողմ հանդիպումներ կառավարությունների ղեկավարների հետ, քննարկումներ ԱՄՆ գործարար համայնքի ներկայացուցիչների հետ, ինչպես նաև հանդիպում ԱՄՆ-ում բնակվող մոլդովացիների հետ։
Քննարկումների ընթացքում վարչապետը կկենտրոնանա տնտեսական և ներդրումային կապերի ամրապնդման, ամերիկյան ներդրումների ներգրավման և Մոլդովայի ընձեռած հնարավորությունների խթանման վրա։ Քննարկումներում կընդգրկվեն նաև երկրի եվրոպական ուղին և տարածաշրջանում անվտանգության ոլորտի հետ կապված զարգացումները։
Մոլդովայի վարչապետը ելույթ կունենա ՄԱԿ-ի Գլխավոր ասամբլեայի լիագումար նիստում։
ՄԱԿ-ի Գլխավոր ասամբլեան ամենակարևոր միջազգային հարթակն է, որի հիմնական թեման հետևյալն է՝ «Վստահության վերականգնում և փոխակերպումների կառավարում. Միավորված ազգերի կազմակերպություն, որն արդյունքներ է ապահովում բոլորի համար»։