363.64
Գուտերեշն Իսրայելին կոչ է անում դադարեցնել ռազմական գործողությունը Լիբանանի հարավում
2 րոպեի ընթերցում
ՄԱԿ-ի գլխավոր քարտուղար Անտոնիու Գուտերեշն Իսրայելի իշխանություններին կոչ է արել դադարեցնել ռազմական գործողությունը Լիբանանի հարավում՝ մատնանշելով մարտական գործողությունների պատճառով քաղաքացիական բնակչության շրջանում զոհերի աճող թիվը: «Արմենպրես»-ի փոխանցմամբ՝ այս մասին ասվում է Գուտերեշի գրասենյակի հայտարարության մեջ:
«Գլխավոր քարտուղարը խորը մտահոգություն է հայտնում Լիբանանի հարավում, առանձնապես Նաբատիեի շրջանում Իսրայելի ռազմական գործողությունների սրման կապակցությամբ: Նա դատապարտում է քաղաքացիական բնակչության շրջանում զոհերի թվի աճը…. Գլխավոր քարտուղարը կոչ է անում անհապաղ դադարեցնել մարտական գործողությունները», - նշվում է հայտարարության մեջ:
Ըստ հայտարարության՝ ՄԱԿ-ի գլխավոր քարտուղարը նաև մտահոգված է հիվանդանոցներին, բուժաշխատողներին և հանրային ինստիտուտներին իսրայելական հարվածների, ինչպես նաև հումանիտար օգնության մուտքի սահմանափակումների առնչությամբ։
Ավելի վաղ Լիբանանի բանակի հրամանատարությունը զորքերին հրաման է տվել ուժեղացնել պարեկությունը Նաբատիեի նահանգի բնակավայրերում՝ Իսրայելի ռմբակոծություններից հետո:
Սեպտեմբերի 4-ին Իսրայելի պաշտպանության նախարար Իսրայել Կացը հայտարարել է, որ իսրայելական զորքերը չեն հեռանա Լիբանանից այնքան ժամանակ, մինչև շիաների «Հեզբոլլահ» շարժման կազմավորումները չզինաթափվեն:
Բաժանորդագրվեք մեր ալիքին Telegram-ում