Ծովինար Վարդանյանն ընտրվեց ԱԺ ֆինանսավարկային և բյուջետային հարցերի հանձնաժողովի նախագահի տեղակալ
1 րոպեի ընթերցում
Հայաստանի Հանրապետության Ազգային ժողովի ֆինանսավարկային և բյուջետային հարցերի մշտական հանձնաժողովի արտահերթ նիստում «Քաղաքացիական պայմանագիր» խմբակցության պատգամավոր Ծովինար Վարդանյանն ընտրվեց հանձնաժողովի նախագահի տեղակալ։
«Իմ գրեթե ողջ կարիերան անցել է ֆինանսական ոլորտում։ Իմ հետաքրքրությունը՝ լինել այս հանձնաժողովում, բավականին մեծ է։ Կարծում եմ՝ ՀՀ ֆինանսական համակարգը պետք է պատասխանի Կառավարության կողմից ընդունված տնտեսական դոկտրինում արձանագրված տնտեսական զարգացումներին։ Լինելով հանձնաժողովի փոխնախագահ՝ կկատարեմ բոլոր այն պարտականությունները և իմ իրավասությունների շրջանակում կգործեմ, որոնք ամրագրված են ԱԺ կանոնակարգով»,- «Արմենպրես»-ի հաղորդմամբ նշեց Ծովինար Վարդանյանը։
Նշենք, որ ՀՀ ԱԺ ֆինանսավարկային և բյուջետային հարցերի մշտական հանձնաժողովը սեպտեմբերի 9-ին գումարել է իր առաջին նիստը։ Հանձնաժողովի նախագահը «Ուժեղ Հայաստան» խմբակցության պատգամավոր Լիանա Մանուկյանն է։