ԱԺ-ն օգոստոսի 21-ին ևս մեկ լրացուցիչ նիստ կգումարի

2 րոպեի ընթերցում

Հայաստանի Ազգային ժողովն օգոստոսի 21-ին, ժամը 18։30-20։00-ն ևս մեկ լրացուցիչ նիստ կանցկացնի։

«Արմենպրես»-ի փոխանցմամբ՝ ժամը 18։00-ից հետո լրացրուցիչ նիստ անցկացնելու առաջարկով հանդես եկավ նիստը նախագահող ԱԺ փոխնախագահ Հայկ Կոնջորյանը։

Առաջարկին կողմ քվեարկեց  57, ձեռնպահ՝ 25 պատգամավոր։

Խորհրդարանն այս պահին քննարկում է Ֆինանսավարկային և բյուջետային հարցերի մշտական հանձնաժողովի նախագահի պաշտոնում Լիանա Մանուկյանի թեկնածությունը։ Լիանա Մանուկյանի թեկնածությունն այդ պաշտոնում առաջադրել է «Ուժեղ Հայաստան» խմբակցությունը։ Մինչ այս խմբակցությունն այդ պաշտոնում առաջադրել էր Հայկ Ֆարմանյանի թեկնածությունը, սակայն փակ քվեարկության արդյունքներով Հայկ Ֆարմանյանը չէր ընտրվել։

«Ուժեղ Հայաստան» խմբակցությունը թեկնածություններ պետք է առաջադրի նաև ԱԺ եվրոպական ինտեգրման և տարածքային կառավարման և շրջակա միջավայրի պահպանության հարցերի մշտական հանձնաժողովների նախագահների համար։ Ավելի վաղ նրանք այդ հանձնաժողովների նախագահների պաշտոններում առաջադրել էին համապատասխանաբար Արեգա Հովսեփյանի և Դավիթ Ղազինյանի թեկնածությունները, սակայն քվեարկության արդյունքներով նրանք նույնպես չէին ընտրվել։

Խորհրդարանի 12 մշտական հանձնաժողովներից 9-ի նախագահներն արդեն ընտրվել են, չեն ընտրվել միայն այն հանձնաժողովների նախագահները, որոնցում թեկնածու առաջադրելու իրավունքն «Ուժեղ Հայաստան» խմբակցությանն է։

Հայերեն English Español Русский

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26

Ամերիկյան ինդեքսները նվազել են - 20/11/26

NYMEX. Թանկարժեք մետաղների գները նվազել են - 20/11/26

Նավթի գները նվազել են - 20/11/26

ՀՀ ՆԳ նախարարի տեղակալը հանդիպել է Միգրացիայի քաղաքականության մշակման միջազգային կենտրոնի գլխավոր տնօրենի տեղակալի հետ

ՀՀ ԱԳՄԱՆ գլխավոր քարտուղարը Բուխարեստում մասնակցել է «Կապակցվածություն և ուժ. մրցակցություն ռազմավարական կախվածությունների միջոցով» խորագրով պանելային քննարկմանը