1 րոպեի ընթերցում
Հայաստանի կառավարությունը շատ անհանգստացած է Ամերիկայի Միացյալ Նահանգների և Իրանի հետ կապված իրադրությամբ։
«Արմենպրես»-ի փոխանցմամբ՝ ՀՀ կառավարության նիստից հետո լրագրողների հետ ճեպազրույցի ժամանակ այս մասին ասել է ՀՀ վարչապետ Նիկոլ Փաշինյանը՝ անդրադառնալով դիտարկմանը, որ ԱՄՆ նախագահը, կարծես, տնտեսական պատերազմ է հայտարարել Իրանին և պատասխանելով հարցին, թե Հայաստանի և Իրանի հարաբերությունների վրա ինչ ազդեցություն կունենա ԱՄՆ-ի այդ որոշումը։
«Միացյալ Նահանգների և Իրանի հետ կապված իրադրությամբ, բնականաբար, մենք շատ անհանգստացած ենք, և այդ թեմայի վերաբերյալ շատ սերտ աշխատում ենք և՛ Միացյալ Նահանգների և՛ Իրանի հետ, և մեր ցանկությունն է, որ այս իրադրությունը հնարավորինս շուտ լուծվի»,- ասել է Նիկոլ Փաշինյանը։