1 րոպեի ընթերցում
Հայաստանի ֆուտբոլի բարձրագույն խմբի առաջնությունում «Ալաշկերտ»-ի դեմ խաղը Սանդրո Պերկովիչի համար վերջինն էր «Նոա»-ի գլխավոր մարզչի պաշտոնում (այս խաղում «Նոա»-ն հաղթել էր նվազագույն հաշվով):
«Արմենպրես»-ի հաղորդմամբ՝ այս մասին հայտնում է ակումբի մամուլի ծառայությունը:
Պերկովիչը միացել էր «Նոա»-ին 2025 թվականի հունիսին ու թիմի հետ նվաճել է Հայաստանի Գավաթն ու Սուպերգավաթը, առաջնորդել է ակումբը դեպի Կոնֆերենցիաների լիգայի լիգայի փուլ, և դարձել եվրոպական մրցաշարերում փլեյ-օֆֆ փուլ հասած և այնտեղ հաղթանակ տոնած առաջին հայկական ակումբի մարզիչը։
Նրա գլխավորությամբ «Նոա»-ն հաղթեց Չեռնոգորիայի, Սլովենիայի և Խորվաթիայի չեմպիոններին, Լեհաստանի գավաթակրին, վաստակեց վարկանիշային կարևոր միավորներ և Հայաստանին բարձրացրեց ՈւԵՖԱ-ի վարկանիշային աղյուսակի 33-րդ հորիզոնական, որի շնորհիվ հայկական ակումբները մյուս մրցաշրջանից կկարողանան նաև պայքարը սկսել Եվրոպա լիգայի որակավորման փուլերից։
«Նոա»-ն շնորհակալություն է հայտնել Պերկովիչին` ակումբում կատարած աշխատանքի համար: