2 րոպեի ընթերցում
2025 թվականին հումանիտար կազմակերպությունների 907 աշխատակից է սպանվել, վիրավորվել կամ առևանգվել, ինչն այն դարձրել է ռեկորդային հումանիտար աշխատողների դեմ բռնության մակարդակով։ «Արմենպրես»-ի փոխանցմամբ՝ այս մասին ասվում է ՄԱԿ-ի Հումանիտար հարցերի համակարգման վարչության հայտարարության մեջ, որը հրապարակվել է Հումանիտար օգնության համաշխարհային օրվա առթիվ։
«2025 թվականը սահմանել է հերթական տխուր ռեկորդը հումանիտար կազմակերպությունների աշխատակիցների նկատմամբ բռնության դեպքերի քանակով. մեր 907 գործընկերներ սպանվել, վիրավորվել կամ առևանգվել են», - նշվում է տեքստում։ Մասնավորապես, անցյալ տարի զոհվել է 350 հումանիտար աշխատող, ևս 322-ը վիրավորվել է և 235-ն՝ առևանգվել։ Վարչությունում նշել են, որ չնայած 2024 թվականի համեմատությամբ զոհվածների թվի ոչ մեծ նվազմանը, «բռնության ընդհանուր մակարդակը չի նվազել»։
Ըստ կազմակերպության տվյալների՝ Գազայի հատվածը երրորդ տարին անընդմեջ մնում է ամենավտանգավոր վայրը հումանիտար աշխատողների համար. այնտեղ զոհվել է 186 մարդ։ Հաջորդը Սուդանն է, որտեղ հարձակումների հետևանքով զոհվել է հումանիտար կազմակերպությունների 71 աշխատակից։
Վարչության տվյալներով՝ 2026 թվականի սկզբից ամբողջ աշխարհում զոհվել է 82 հումանիտար աշխատող, 97-ը՝ վիրավորվել, 39-ն՝ առևանգվել: