Թեհրանն արձագանքել է Թրամփի հրապարակմանը, որում Հորմուզի նեղուցը ներկայացված է որպես ԱՄՆ նոր տարածք

ԱՄՆ նախագահ Դոնալդ Թրամփն իր Truth Social հարթակում քարտեզ է հրապարակել, որում պատկերված են Պարսից ծոցը և Օմանի ծոցը, իսկ Հորմուզի նեղուցը ներկայացված է որպես ԱՄՆ-ի նոր տարածք, տեղեկացնում է «Արմենպրես»-ը։

Իրանի արտաքին գործերի փոխնախարար Քազեմ Ղարիբաբադին արձագանքել է Թրամփի այս հրապարակմանը՝ նշելով, որ ԱՄՆ նախագահը մոլորության մեջ է, և Իրանը շուտով կուղղի դա։

همانطور که ترامپ نام خلیج همیشگی فارس را به صورت صحیح نوشت، به زودی توهمش درخصوص تنگه هرمز یا اصلاح می شود یا توهمات این متوهم را اصلاح خواهیم کرد. pic.twitter.com/gpxqnGK077

— Gharibabadi (@Gharibabadi) August 18, 2026

Ղարիբաբադին ուշադրություն է հրավիրել այն բանի վրա, որ Թրամփն իր հրապարակման մեջ նշել է Պարսից ծոց՝ Արաբական ծոցի փոխարեն։

Իրանցի պաշտոնյայի խոսքով՝ Թրամփը «ճիշտ է գրել հավերժական Պարսից ծոցի անունը»։

«Շուտով նրա մոլորությունը Հորմուզի նեղուցի վերաբերյալ կա՛մ կուղղվի, կա՛մ մենք կուղղենք պատրանքներով ապրող այս մարդու մոլորությունները», - գրել է նա X հարթակում։