Կոլումբիան ԱՄՆ-ին խնդրել է թմրակարտելների դեմ համատեղ գործողություններ իրականացնել. Հեգսեթ
2 րոպեի ընթերցում
Կոլումբիայի իշխանություններն ԱՄՆ իշխանություններին խնդրել են համատեղ ռազմական գործողություններ անցկացնել թմրակարտելների դեմ պայքարի շրջանակում: Ինչպես հաղորդում է «Արմենպրես»-ը, այդ մասին հայտնել է Պենտագոնի ղեկավար Փիթ Հեգսեթը։
«Կոլումբիան արդեն խնդրել է [ԱՄՆ] ռազմական գերատեսչությանը միանալ թմրաահաբեկչության դեմ իր պայքարին՝ թույլատրելով համատեղ ռազմական գործողություններ իրականացնել ահաբեկիչներին և նրանց ցանցերը ջախջախելու համար», — Պանամայում ելույթ ունենալիս հայտարարել է ԱՄՆ պաշտպանության նախարար Փիթ Հեգսեթը։
Նա հայտնել է, որ Կոլումբիան կմիանա ԱՄՆ-ի կողմից թմրակարտելների դեմ պայքարի նպատակով ստեղծված «Ամերիկաների վահան» դաշինքին և կդառնա դրա 19-րդ անդամը։
Ինչպես նշում է Reuters-ը, ավելի ուշ լրագրողների հետ զրույցում Պենտագոնի ղեկավարը դրական պատասխան է տվել ան հարցին, թե արդյոք Կոլումբիայի իր գործընկերոջ հետ քննարկել է «Ազգային ազատագրության բանակ» պարտիզանական խմբավորման ուժերի դեմ համատեղ հարվածներ իրականացնելու հնարավորությունը։
«Ահաբեկչական ճանաչված կազմակերպությունները կլինեն ԱՄՆ կառավարության և նրա գործընկեր երկրների օրինական թիրախները», — հավելել է ԱՄՆ պաշտպանության նախարարը։
«Ամերիկաների վահանն» ԱՄՆ-ի և մի շարք լատինամերիկյան երկրների դաշինք է, որոնք զբաղվում են թմրակարտելների դեմ պայքարով է և իրականացնում են համատեղ ռազմական գործողություններ: