Արամ Վարդևանյանն ընտրվեց ԱԺ նախագահի տեղակալի պաշտոնում

Ազգային ժողովի «Ուժեղ Հայաստան» խմբակցության պատգամավոր Արամ Վարդևանյանը փակ քվեարկության արդյունքներով ընտրվել է Ազգային ժողովի նախագահի տեղակալի պաշտոնում։

«Արմենպրես»-ի փոխանցմամբ՝ Հաշվիչ հանձնախմբի նախագահ Լիլիթ Մինասյանը հայտնել է, որ Ազգային ժողովի 105 պատգամավորներից քվեարկության մասնակցել են 53-ը։

Քվեատուփում եղել է 53 քվեաթերթիկ, որոնցից ոչ մեկն անվավեր չի համարվել։

Քվեարկությանը մասնակցած բոլոր 53 պատգամավորները կողմ են քվեարկել ԱԺ նախագահի տեղակալի պաշտոնում Արամ Վարդևանյանի թեկնածությանը։

Ավելի վաղ ԱԺ «Հայաստան» խմբակցության ղեկավար Աննա Գրիգորյանը հայտնել էր, որ իրենց խմբակցությունը կողմ է քվեարկելու Վարդևանյանի թեկնածությանը, իսկ «Քաղաքացիական պայմանագիր» խմբակցության ղեկավար Արուսյակ Մանավազյանն ասել էր, որ իշխող ուժը որոշել է ապահովել բավարար ձայներ, որպեսզի Արամ Վարդևանյանն ընտրվի ԱԺ նախագահի տեղակալի պաշտոնում։