Ճապոնիայում ՀՀ դեսպանը մասնակցել է Հիրոշիմայի զոհերի ոգեկոչման տարելիցին նվիրված հիշատակի արարողությանը
1 րոպեի ընթերցում
Ճապոնիայում Հայաստանի Հանրապետության դեսպան Մոնիկա Սիմոնյանը մասնակցել է Հիրոշիմայի ատոմային ռմբակոծության զոհերի ոգեկոչման 81-րդ տարելիցին նվիրված հիշատակի արարողությանը:
«Արմենպրես»-ի հաղորդմամբ՝ այս մասին հաղորդագրություն է տարածել Ճապոնիայում ՀՀ դեսպանությունը։
Նշվում է, որ այս տարի Ճապոնիայի բարձրաստիճան պաշտոնյաներին և Հիրոշիմայի բնակիչներին էին միացել 121 երկրների ներկայացուցիչներ՝ հարգանքի տուրք մատուցելու ատոմային ռմբակոծության զոհերին և աղոթելու աշխարհում հարատև խաղաղության հաստատման համար։
Միջոցառման նախօրեին դեսպանն այցելել է նաև Հիրոշիմայի խաղաղության հուշահամալիր, ծաղիկներ խոնարհել ատոմային ռմբակոծության զոհերի հուշաքարի մոտ։