Վարչապետ Փաշինյանը կառավարության աշխատանքն ավելի արդյունավետ դարձնելու համար վերանայումների անհրաժեշտություն է տեսնում
1 րոպեի ընթերցում
Հայաստանի Հանրապետության վարչապետ Նիկոլ Փաշինյանը հայտարարել է, որ նոր ձևավորված կառավարությունը պետք է վերանայումներ կատարի իր գործունեության մեջ՝ նպատակ ունենալով այն ավելի արդյունավետ դարձնել։
«Արմենպրես»-ի հաղորդմամբ՝ վարչապետ Փաշինյանը նման տեսակետ է արտահայտել Կառավարության օգտոստոսի 6-ի հերթական նիստում։
Փաշինյանն առաջին հերթին փոխվարչապետներին և նախարարներին շնորհավորեց իրենց պաշտոններում վերանշանակվելու կապակցությամբ և հաջություն մաղթեց նաև Բարձր տեխնոլոգիական արդյունաբերության նոր նախարար Դավիթ Թադևոսյանին ու վարչապետի աշխատակազմի նորանշանակ ղեկավար Լիլիթ Մակունցին։
«Իհարկե, ակնհայտ է, որ Կառավարության գործունեության մի հսկայական հատվածը լինելու է շարունակականության ժանրի մեջ, բայց նաև ակնհայտ է, որ մենք պետք է վերանայումներ անենք մեր աշխատանքն ավելի արդյունավետ իրականացնելու համար։ Այն, ինչ նախորդող շրջանում չի ստացվել, մենք, իհարկե, պետք է վերլուծենք դրա պատճառները և անենք անհրաժեշտ հետևություններ, իսկ այն, ինչ ստացվել է, դա էլ պետք է վերլուծենք, վերլուծել ենք և վերլուծում ենք և պետք է առավել արդյունավետ մոտենանք հարցերին»,-պարզաբանեց վարչապետ Փաշինյանը։