2 րոպեի ընթերցում
Կայացել է Գեղարքունիքի մարզի Գավառ համայնքի ավագանու արտահերթ նիստը, որը վարել է Գավառ համայնքի ղեկավարի առաջին տեղակալ Գրիգոր Դաշտոյանը։
Ինչպես «Արմենպրես»-ին տեղեկացրին Գավառի համայնքապետարանի աշխատակազմից, արտահերթ նիստի օրակարգում ընդգրկվել են Գավառի 2027-2029 թվականների միջնաժամկետ ծախսային ծրագրերը հաստատելու, Գավառ քաղաքի և համայնքի գյուղական բնակավայրերում ասֆալտապատման աշխատանքների իրակականցման նպատակով պետբյուջեից սուբվենցիայի տրամադրման թույլտվություն ստանալու, Գավառում մանկապարտեզի նոր շենքի կառուցման նպատակով պետբյուջեից սուբվենցիայի տրամադրման թույլտվություն ստանալու, Գավառի Հ․ Թալալյանի անվան երաժշտական դպրոցի շենիքի հիմնանորոգման և կցակառույցի իրականացման, Գավառի թիվ 4 մանկապարտեզի հիմնանորոգման ծրագրի իրականացման, Գավառ քաղաքի Հացառատ թաղամասում, Լճափ և Հայրավանք գյուղերում ոռոգման համակարգի կառուցման ծրագրի իրականացման, համայնքային սեփականություն հանդիսացող հողամասը աճուրդային կարգով օտարելու, Գավառի Հացառատ թաղամասի փողոցներից մեկի անվանակոչության, Գավառ քաղաքի տարածքում անտառապատման աշխատանքներ իրականացնելու, գյուղնշանակության հողերը մրցութային կարգով վարձակալության տրամադրելու, Կարմիրգյուղ բնակավայրի սեփականություն հանդիսացող ոռոգման համակարգերը անհատույց օգտագործման իրավունքով «Գեղարքունիք» ջրօգտագործողների ընկերությանը տրամադրելու, դրամական հատուցում տալու հետ կապված հարցերը։
Քննարկվող բոլոր հարցեը քվեարկությամբ հաստատվել են Գավառ համայնքի ավագանու կողմից։