ՀՀ դեսպանն ու Կիպրոսի գյուղատնտեսության և շրջակա միջավայրի նախարարը մտքեր են փոխանակել ոլորտային համագործակցության շուրջ
1 րոպեի ընթերցում
Կիպրոսում Հայաստանի Հանրապետության դեսպան Իննա Թորգոմյանը հանդիպել է Կիպրոսի գյուղատնտեսության, գյուղական զարգացման և շրջակա միջավայրի նախարար Մարիա Պանայոտուի հետ:
«Արմենպրես»-ի հաղորդմամբ՝ այս մասին հաղորդագրություն է տարածել Կիպրոսում ՀՀ դեսպանությունը։
Նշվում է, որ հանդիպման ընթացքում քննարկվել են գյուղատնտեսության և բնապահպանությանն առնչվող ոլորտներում փոխգործակցության հեռանկարները և նախանշվել են այդ ոլորտներում երկկողմ համագործակցության ինստիտուցիոնալացման հնարավորությունները։
Անդրադարձ է կատարվել հոկտեմբերի Երևանում կայանալիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (COP17) մանրամասներին և դրա շրջանակներում նախատեսվող միջոցառումներին։