1 րոպեի ընթերցում
Իսրայելական անօդաչու թռչող սարքը հուլիսի 10-ի վաղ առավոտյան Նաբատիե շրջանի Շոուքին և Քֆար Դաջջալ բնակավայրերի մոտակայքում հարվածել է բեռնատարի, ինչի հետևանքով երկու մարդ է վիրավորվել։ «Արմենպրես»-ի փոխանցմամբ՝ այս մասին հայտնում է Լիբանանի Ազգային լրատվական գործակալությունը (NNA):
Գործակալությունը տեղեկացնում է, որ իսրայելական ռազմական ինքնաթիռները շարունակում են թիրախավորել Լիբանանի հարավում գտնվող Նաբատիե շրջանը։
Լիբանանը ներքաշվել է Մերձավոր Արևելքի հակամարտության մեջ այն բանից հետո, երբ «Հեզբոլլահ»-ն, ի պատասխան Իրանի դեմ ամերիկա-իսրայելական հարվածների, մարտի 2-ից հարձակումներ էր սկսել Իսրայելի դեմ։
Լիբանանի առողջապահության նախարարությունը տեղեկացրել է, որ ռազմական էսկալացիայի սկսվելուց ի վեր՝ մարտի 2-ից մինչև հուլիսի 9-ն ընկած ժամանակահատվածում զոհերի ընդհանուր թիվը հասել է 4321-ի, իսկ վիրավորներինը՝ 12204-ի։