1 րոպեի ընթերցում
Երևանի «Ալաշկերտ» ֆուտբոլային ակումբի գլխավոր մարզիչ Վահե Գևորգյանի կարծիքով՝ Կոնֆերենցիաների լիգայի որակավորման առաջին փուլում լավ հանդիպում ստացվեց երևանյան ակումբի համար:
«Լավ խաղ ստացվեց: Մենք գիտեինք, որ բարդ հանդիպում է լինելու:Գիտեինք, որ ունենք ֆուտբոլիստներ, որոնք առաջին անգամն էին մասնակցում Կոնֆերենցիաների լիգային ու հնարավոր էր, որ նրանք կարող էին լարված լինել: Փորձել ենք հանել այդ լարվածությունը նրանց մեջից: Դրվագներով խաղը վերահսկում էինք, լինում էր, որ նաև բաց էինք թողնում: Մեր մրցակիցը լավ մրցակից է ու բալանսավորված ֆուտբոլ խաղաց»,-«Արմենպրես»-ի հաղորդմամբ` լրագրողների հետ հետխաղային զրույցի ժամանակ ասաց Գևորգյանը:
Ֆուտբոլի Կոնֆերենցիաների լիգայի որակավորման առաջին փուլի շրջանակներում Երևանի «Ալաշկերտ»-ը Ավանի ֆուտբոլի ակադեմիայի մարզադաշտում հյուրընկալեց ղազախական «Ելիմայ»-ին: Հանդիպումն ավարտվեց ոչ-ոքի՝ 1:1:
Թիմերի պատասխան հանդիպումը կկայանա մեկ շաբաթ անց՝ հուլիսի 16-ին: