1 րոպեի ընթերցում
Իրանը հայտարարել է, որ հուլիսի 8-ի գիշերն ամերիկյան զինվորականների հարվածներից տուժել են ափամերձ բազաներ և քաղաքացիական օբյեկտներ Հորմոզգանի և Մահշարի նահանգներում։ «Արմենպրես»-ի փոխանցմամբ՝ այս մասին հայտնել է Իրանի զինված ուժերը։
Ըստ Իսլամական հեղափոխության պահապանների կորպուսի՝ Իրանի հարավ-արևելյան Բանդար Մահշար քաղաքում բեկորային վնասվածքից մեկ զինվոր է զոհվել։
Fars գործակալությունը հայտնել է երկրի հարավ-արևմտյան Բուշերի նահանգում ամերիկյան զինվորականների կողմից երկու օբյեկտի խոցման մասին։
Հարվածներ են արձանագրվել Սիրիկ նավահանգստային քաղաքում, Խարգ և Ղեշմ կղզիներում։
Ըստ ԱՄՆ կենտրոնական հրամանատարության հաղորդագրության՝ ճշգրիտ զենքերով հարվածներ են հասցվել իրանական ավելի քան 80 թիրախի` ի պատասխան Իրանի կողմից Հորմուզի նեղուցով անցնող երեք նավի թիրախավորման։
Իրանն իր հերթին հայտարարել է, որ հարվածել է Բահրեյնում և Քուվեյթում ամերիկյան 85 ռազմական օբյեկտի, նաև խոցել է ամերիկյան MQ9 ԱԹՍ։