1 րոպեի ընթերցում
Հայաստանի ֆուտբոլի առաջնության չեմպիոն «Արարատ-Արմենիա»-ի գլխավոր մարզիչ Մանուել Տուլիպան Չեմպիոնների լիգայի որակավորման առաջին փուլի «Ռիգա»-ի դեմ խաղում տոնած հաղթանակը կապում է թիմային աշխատանքի հետ:
«Առաջին կեսում մենք լավ գործեցինք ու ամենակարևորն էլ այն էր, որ գնդակով սեփական կիսադաշտից լավ էինք դուրս գալիս: Մեզ համար դժվարն էին կողային փոխանցումները, քանի որ դրանք չէին հասնում իրենց նպատակին: «Ռիգա»-ի ֆուտբոլիստները ֆիզիկապես գերազանցում էին մեզ: Մենք գործեցինք որպես թիմ, որը մեր հաջողության գրավականն էր»,- «Արմենպրես»-ի հաղորդմամբ` լրագրողների հետ հետխաղյա մամուլի ասուլիսի ժամանակ ասաց Տուլիպան:
Մարզչի խոսքով` «Արարատ-Արմենիա»-ի համար բարդ ստացվեց երկրորդ կեսի մեկնարկը, ինչը կապված էր անձրևի հետ, սակայն ինքը գոհ է, քանի որ թիմը վերգտավ իր խաղը երկրորդ կեսի մեկնարկային 10 րոպեների ընթացքում:
Հայաստանի ֆուտբոլի առաջնության 2025/26 մրցաշրջանի չեմպիոն «Արարատ-Արմենիա»-ն Չեմպիոնների լիգայի որակավորման առաջին փուլում ընդունեց լատվիական «Ռիգա»-ին ու հաղթեց 2:0 հաշվով: Թիմերի պատասխան հանդիպումը կկայանա հուլիսի 14-ին` Ռիգայում: