Ֆոն դեր Լայենը և Ռյուտեն հայտարարել են, որ ՆԱՏՕ-ն պետք է ավելի եվրոպական դառնա՝ ԱՄՆ-ից ավելի քիչ կախված լինելու համար
1 րոպեի ընթերցում
ՆԱՏՕ-ն պետք է ավելի եվրոպական դառնա՝ նվազեցնելու համար իր երկարատև կախվածությունը ամերիկյան անվտանգության հովանոցից։
Ինչպես տեղեկացնում է «Արմենպրես»-ը՝ վկայակոչելով Euronews-ը, այդ մասին հայտարարել են Եվրահանձնաժողովի նախագահ Ուրսուլա ֆոն դեր Լայենը և ՆԱՏՕ-ի գլխավոր քարտուղար Մարկ Ռյուտեն՝ Անկարայում դաշինքի երկրների ամենամյա գագաթնաժողովի շրջանակում։
«Մենք երկուսս էլ գիտենք, թե որքան կարևոր է Եվրոպական միության և ՆԱՏՕ-ի միջև սերտ համագործակցությունը», - ասել է Եվրոպական հանձնաժողովի նախագահը։
Ռյուտեն արձագանքել է ֆոն դեր Լայենի խոսքերին՝ ընդգծելով երկու կազմակերպությունների միջև աշխատանքի հստակ բաժանումը։
ՆԱՏՕ-ն պատասխանատու է հրամանատարական կառույցների, կարողությունների և ստանդարտների համար, մինչդեռ ԵՄ-ն զբաղվում է արդյունաբերությամբ, ներդրումներով և կարգավորմամբ։ ԵՄ անդամ 27 պետություններից 23-ը ՆԱՏՕ-ի անդամ են։
«Մենք չենք կարող շարունակել նախկինի պես՝ չափից դուրս ապավինելով Միացյալ Նահանգներին։ Մեզ անհրաժեշտ է շատ ավելի ուժեղ Եվրոպա՝ ավելի ուժեղ ՆԱՏՕ-ի կազմում», – հայտարարել է Ռյուտեն՝ իրավիճակը բնութագրելով որպես աննախադեպ վերափոխում, որը պայմանավորված է ԵՄ-ի և ՆԱՏՕ-ի միջև սերտ համագործակցությամբ։