1 րոպեի ընթերցում
Արմավիրի մարզային օպերատիվ կառավարման կենտրոնը հուլիսի 4-ին ժամը 02։27-ին ահազանգ է ստացել, որ Արևիկ գյուղի բնակելի տնակներից մեկում տեղի է ունեցել գազի բալոնի պայթյուն:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
«Արմենպրես»-ի հաղորդմամբ՝ ինչպես հայտնում են ՆԳՆ փրկարար ծառայությունից, պարզվել է, որ հրդեհ է բռնկվել Արևիկ գյուղի Զարթոնքի փողոցի 1-ին նրբանցում գտնվող տնակներից մեկում:
Հրդեհը մեկուսացվել է ժամը 02:56-ին, մարվել՝ 03:15-ին: Այրվել է փայտաշեն տնակը՝ գույքով:
Կանխվել է հրդեհի տարածումը դեպի հարակից տնակներ: