Լիբանանում իսրայելական հարվածներից զոհերի թիվը հասել է 4192-ի

2 րոպեի ընթերցում

Լիբանանի առողջապահության նախարարությունը հայտարարել է, որ երկրում իսրայելական հարվածների հետևանքով զոհերի թիվը հասել է 4192-ի։ «Արմենպրես»-ի փոխանցմամբ՝ այս մասին հաղորդում է Լիբանանի Ազգային  լրատվական գործակալությունը (NNA):

«Ռազմական էսկալացիայի սկսվելուց ի վեր՝ մարտի 2-ից մինչև հունիսի 23-ն ընկած ժամանակահատվածում, զոհերի ընդհանուր թիվը հասել է 4192-ի, իսկ վիրավորներինը՝ 12 171-ի», - նշված է նախարարության հաղորդագրության մեջ։

Վերջին 24 ժամվա ընթացքում զոհերի թիվն ավելացել է 17-ով, իսկ  վիրավորներինը՝ 7-ով։

Գործակալությունը տեղեկացնում է, որ հունիսի 24-ի առավոտյան Բեքաայի մարզի Այն Արաբ գյուղաքաղաքի բնակիչները վերադարձել են իրենց տները։ Ավելի վաղ Լիբանանի բանակի ստորաբաժանումները բացել էին բնակավայր տանող ճանապարհը։

Al Jazeera-ի փոխանցմամբ՝ ՄԱԿ-ի գլխավոր քարտուղարի խոսնակ Ստեֆան Դյուժարիկը Նյու Յորքում լրագրողների հետ զրույցում հայտնել է, որ վերջին մարտերի ընթացքում հարավային Լիբանանում ավելի քան 11 000 բնակելի շենք «ամբողջությամբ ավերվել է», ևս 2200-ը մասամբ են վնասվել։

«Շատ ընտանիքների համար սա նշանակում է, որ պարզապես տուն չկա վերադառնալու։ Շարունակական անորոշությունը, լայնածավալ ավերածությունները և չպայթած զինամթերքի սպառնալիքը շարունակում են խոչընդոտել անվտանգ և կայուն վերադարձին», - ասել է նա։

«Այնուամենայնիվ, շատերը շարունակում են վերադառնալ հարավային Լիբանան, 19 000 մարդ գիշերը լքել է ապաստարանները, ինչի արդյունքում ապաստարաններում մնացածների թիվը կրճատվել է մինչև մոտ 90 000»,- հավելել է նա։

Լիբանանը ներքաշվել է Մերձավոր Արևելքի հակամարտության մեջ այն բանից հետո, երբ «Հեզբոլլահ»-ն, ի պատասխան Իրանի դեմ ամերիկա-իսրայելական հարվածների, մարտի 2-ից հարձակումներ էր սկսել Իսրայելի դեմ։

Մերձավոր Արևելք

Իսրայելն ու Լիբանանը քննարկում են հարավային Լիբանանի որոշ շրջաններ լիբանանյան բանակին փոխանցելու վերաբերյալ հարցեր

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն