1 րոպեի ընթերցում
Երևանի փոխքաղաքապետ Արմեն Փամբուխչյանն անդրադարձել է հունիսի 23-ին Երևանի ավագանու նիստի ժամանակ ավագանու իշխանական և ընդդիմադիր անդամների միջև տեղի ունեցած ծեծկռտուքին, որի պատճառով նիստը կես ժամով ընդմիջվել էր։
«Արմենպրես»-ի փոխանցմամբ՝ Փամբուխչյանը նախ ներողություն է խնդրել տեղի ունեցածի համար, այնուհետև ներկայացրել է պատճառը, թե ինչու է այդ միջադեպը տեղի ունեցել։
«Իրական պատճառներից մեկն այն է, որ «Մայր Հայաստան» կոչվող խմբակցությունը, որն արդեն իսկ մասնատվել է Ռոբերտ Քոչարյանի և Գագիկ Ծառուկյանի միջև, փորձեց հերթական սադրանքն անել։ Այդ սադրանքների ականատեսը դուք բազմիցս եղել եք, երբ նրանք, չգրանցվելով, չունենալով տղամարդկություն, որպեսզի գան և ամբիոնից կանգնեն ու ելույթներ ունենան, անընդհատ ռեպլիկներով միջամտում են ելույթ ունեցող անձանց՝ որոշ դեպքերում վիրավորական տոնով։ Եվ ես կարծում եմ, որ նրանց պետք է իրենց տեղը ցույց տրվեր»,- ասել է Փամբուխչյանը։
Մանրամասները՝ տեսանյութում